Fenqar d tfuct tesvfa tegga acεur
Igeεed d ddexan nhezzen izewran n wur
Tenqar d tudart tessefsi tighufawin
Ad tghennej i titrit n wajdir lallas n tedbirin
Dduqzen reεnasvar ag ighezdisn n tariyiwin
Swin ih'enjiren d idbighen d tidbighin
Tessijj d tudart zi tizi aghirin
Ad tghennej i wrifi d umazigh d tmazighin
Tudart tewta tacarrift s ca n ssar n tafriwin
Teswaddar i reεdu tazaghart n tbridin
Tudart n urifiy d ighzar n tqessisin
Marra day s teneqqao kurci day s tessisin
Rallas n tdbirin taziri yereqqen di rwestv n thenjirin
Tecna teggur tetsadh'a tessadar titt'awin
Tegga abexnuq nnes thejjar ad as tinid zi tfqirin
Tisuraf nnes d roiz d azri rallas n tmgharin
Zmmegh tet ij n wass ur inu rallas n tedbirin
Taxenfuft tcuwwar tarezzvimt inu rallas n trifiyyin
Tawengint nnes d idurar war ssenhezzin isemmiden
Tagharrabut icuqen d rebhar n imettvawen
Ur inu ined'd'u tarijint tidewdin
Xmi gha targeb reomar s uqubbu am dfin
Tus d ghar temzyida ad tezzadj i rebbi lεalamin
Tedfar abrid isebh'en hadur i tdbirin
Tfuct trah ad teghri azul i tmazighin
Uyak Oebdkrim d buharu d rbaz war yediji d tixariqin
Isseynu n ujenna n tmazight aha ya tihenjirin
Tfuct n umazigh tefri zi dhar aghirin
Yallah ad nbedd ad nar rεiz yed'win ag tdbirin
Ad negg aqayyis i tmazight ad tedraq i tafriwin
Asecru n tifinagh ad ireqqah am bennεman
Deg ucar n tamazgha ad iwwet izvewran.
Abdelghani Allouchi
