Bu-ydjarwen (2ème et dernière partie)

dim, 2009-04-05 23:21 -- Fadma

Bu-yjerwan : « A Hêmmu inu zegga mghagh i da thaâdfegh xmi ttuarjigh, iseyman nni tugha darrabbugh di dxuncay tbaddan ed ghari ».
Bu-yjerwan, ixezza: « war a Hêmmu inu, tbeddan ed ghari sghuyyun ttexsen a da yi jeyfen, cek a Hêmmu inu rebda ttwargigh tarawred a yi tnakkarigh ed ak ussaâsaâ nadjirat iri cak tsaxed ».
Hêmmu : « Nec xmi tetsegh, tesrigh ca imwaren I driz ghar uzedjif inu ».
Bu-yjerwan : « Amcan nni tugha ttigharghat, rextu iteffegh ad dinni benyemri, iteddaz imran».
Hêmmu yegga axmi yegwed yenna-s : « Ca imwaren ttesrigh i driz di tsrafin ».
Bu-yjerwan : « Inni d ixsan iri hêman bdân ad dduqzen. Xmi gha tesred amenni a Hêmmu inu ssen babac iri sax, Hûmmu a tesnad marmi itattâss babac u dixssan nni id ayi-d itawyan idaass».
Hêmmu : «Tarrid ayi d mmicc cek âemmas war dayi tessaregbed x min ghac di tsrafin ».
Bu-yjerwan : « War zemmar a taragbed a Hêmmu inu mahênd âad tahêraymect nni tghamyac ed, cek war tzammared rextu a tzad min dinni xemregh ».
Hêmmu : « R-ac dinni I garriâen yifis, d min itidar iras ».
Bu-yjerwan : « S rxart nni izi yeddar babac, izi yeqqim yehêda-c wa zemmar a tarrwred a targbed. Tudart inu tbed x min din itnannan di tsrafin d min zzayes d-itbawan, cek war xac teggegh , tubuded…Tubuded… Tessusufad axmi kidi tattan inawjiwan. Ass nni tezric mjar tighayin, tenna yi wanni min t idaàwan.
Lj umar, ar mani tsaàsaà djirat ifaq ed Hêmmu yufa Bu-yjerwan yeccuxrut uca yarwar. Rami ed ifaq Bu-yjerwan yufa ticemsin marra fesyant. Tayyut, tghuyyit ibaghriwen sghutghuten, ixsan di tsarfin hârqen. Bu-yjerwan itbuxsuy , itusu , itraja Hêmmu . Bu-jerwan itragha: « Hêmmu, dwer-d ghari a mmi ». ltàawad , itragha dag janna: «M-ijarwan…!! Tammart tnarzem, . Bu-yjerwan ihekwa…arami d as yeqqim gha yiri. . Bu-yjerwan itragha:
«M-ijarwan d anuri degem war ixessi

Tudart nnem d ayewwim xafi yuri
Axmi war ssa tekkid
Aammas war cem newri
Isiyman awran ayi,
Hêmmu inekkar ayi ».

Tamzgunt yuri'tt Ben Amar Mustafa. (Segangan- Nador)

Social


© 2005 Imazighen La richesse des productions d'un champ n'est pas à raison de son étendue, mais de sa culture.
Follow in Bloglovin