Tamcunt d wemcum!!

dim, 2007-12-16 00:34 -- Fadma
Version imprimableVersion imprimableSend by emailSend by email

Teffagh d tamcunt zi tmetvpart n wexxam, mani tugha tessirid arrimet nnes. Acewwaf yugha s rhenni, yepnunni d d tiseffay x weorur nnes.
Teqqim x ujartir n tezvdvent yessun di teghmart n tezrift, mani d txemmar tfuct udem nnes. Tisi d tamcetv ad temcedv, tifidjusin tawyent-tarant, tirarent tazzra jar asent.
Yarsa ij n Rbaz x ticcewt n tsefsaft i yghemyen ghar tewwart n taddart nsent, tittvawin nnes tissiqent id ghar ifidjusen nni i ytiraren di tezrift. Tamcunt tewta deg ufus nnes, yarra rbaz nni deg afar nnes uca yedva.
Tisi d ij n ucedriq n tisit, tesruf i tibbicin nnes d issentan sfuffuyent id am tifirasin i yemnunyen di tiri, tuca iked ixef nnes tessanday, texzvar deg wjenna, tennas i tfuct rhem cemm ssin ad rezzugh ad dewregh deg wmcan nnem!!
Rami teswedv mlih di tisit nni tarwer zvayes rxezvrat ghar udem n wemcum nni t idvfaren idennadv ghar reorasi umi truh ad temjar nneoneo, yennas wemcum wc ayi ij n ugheddu ad t’ zzugh deg ur inu huma ad yeghmi d tibehhar i yimar nnem, tesfarnen, tezoef s teghmas nnes di tancuct n snnej uca tarra tenna s:
- Ruh agwj ayi, aqa ghari baba d timessi, ad ac yendvar iri mara izvri cek da akidi.
Yuzegh ucewwaf nnes, rami d tarra rbar tufa rbaz nni itehrara ad yarni ca n ufidjus nnedvni.
Tamcunt temcedv, temmudv it’ d ttimuzar, tesbedd tidmarin nnes, uca tepwa ghar reorasi ad temjar nneoneo.

Said Belgharbi

Social


© 2005 Imazighen La richesse des productions d'un champ n'est pas à raison de son étendue, mais de sa culture.
Follow in Bloglovin