Araγi

Araγi

Tirra idja yuran di reh'yud iqeccan

Tirra idja yuran di rek'tub iweddan

Tirra n rejdud nneγ inni daneγ iwes's'an.

Usiγ-d at-iniγ at-iniγ i yewdan

Ad smuneγ ayetma iri marra tsran

Taγer'r'abut nneγ as ncedd iseγwan

Ruxa rebh'a yesa a nawed' di raman

Taγer'r'abut nneγ at nendeh s ufus nneγ

A ned'f'ar abrid n rejdud nneγ

A nh'ad x tγarruba nni daneγ yeєdan

A nezzerz taєjjajt n djirt yuyan


Awaren : Hamid El Yandouzi
Lmuziga d ughennej : khalid izri

Posté par Amsbrid


Paroles