Fadma Elouriachi

Yedja war yedji

Yedja war yedji


Tezenzed aysum-nnum

Tiwyed aysum nedni

Mbra ma a day-s txarsed:

Mamec I gha yiri

Thejjar-et di tudart

Yehma itarjijji;

Cem tesarsed dqer



Teggid-as-t x yiri

Mri tugha ye3der

Akid-s wemcawar,

Ar ami it tugha 3ad

D taneqit deg we3rur,

Ad yarcem s une3tar

War dji ca s rxdar,

Iri yennam :Lla!Lla!

War xsegh bu tudart

I gha daregh s use3qar



Yexs nigh war yexs

Maca cem tiwyed-t-id

Deg webrid d abarcan

Yus –d mbra mezri

War das yexriq ccam.

Deg uharwar n tezgher

War yufi bu wemcan,

It-wahus ghar ttarf

Yenebda x iseyman

Tmughri ghar-s s ughezdis

Am wenn yeghdar zman !



Tuyyit tamezwarut

Iyegga deg wehfur,

Tugha-tt d surrif

Deg webrid n uhejjar.

Yarbu day-s amezruy

Itwarin s uzawar;

Teshaqed iman-nnes

Tengh-it amen yeddar,

Thesb-et am uhabriw

N weysum mbra re3mar!



A wen yeghin afras,

Afras aqa yeseghmi!

War dji ha wenn yeznzen

Id I gha negg imi;

Cek d acric ughemmuy

Itwattun zi temzi.

Tejjid-t ughir xaf-s:

Yedja axmi war yedji

Di recwaghed n tudart.

Isem-nnes war yuri

Yeqqim am unehbus

Yarezun tirelli………


Nadur 24/3/1997

Groetjes,

Posté par Izri

Timgharin nnegh

Timgharin nnegh

Mamecc ma nigh, rehmum qdan,
Ufigh: Eggin ibehras.
Mayemmi tehra tudart
Yebnan mbra dsas?
Tudart war tedji d tuqarqect
D u3emmar n rkas,
War tedji bu d abyyas n waregh
Ura d tiseghnas.
Tudart, nettat d amqebad,
A wetcma Traytmas!

A timgharin-nnegh,
Kkarent, ceddent ibuyyas!
Cfa-nnegh zi tghemura
D ughezzi n teghmas!
Aghimi n tghemura,
Itawid rweswas.
Kkarent, a neffghent ghar barra,
A nfardent abessas;
Wetcma-tnegh di Filistin
Tkesi yaqartas
Tcuqa timessi d waggu d iqudas
Zi rwest ujenna,
Tiyara tecca-d xaf-s
Tecca-d xaf-s rbarud
Itwetta-d am uqayas,
War tegwed rmut
War tegwed a3essas,
Teccat deg udayen
Tem3awan ak uma-s,
Teccat x temmurt-nnes
I das d-yejja baba-s.

Mechar ma tekka tadjast,
3ad ad yari wass.
Tudart ghar zzat,
War nqet3end bu rayas,
Rexrif aqa ye3du.
A n3ayen assegwass
Ghar uzekam n unebdu,
Ad d-asent tfardjas
Ad sfarhent ur-nnegh
Ad anegh-d arrent rayas..


fadma elouraichi

Posté par Mimount

Izweran n Tudarth

IZEWRAN N TUDARTH

Tweddared-ayi
Am tseyneft deg rym;
ArezuY xaf-m
Di mkur aqemmum,
Char tew3ared!
WseY a cem d-ekkseY!

XseY a Cem D-ekkseY
Jar iccar d weysum,
A Cem gweY d arecti
A zzay-m arebiY antun
A cem eggeY d tamedjaht
D rbenet deg weYroum,
A cem eggeT d nsima
I yijdi ad imun,
A zzay-m bniY dsas
N wawar ad iddum,
A cem eggeY deg Firu
d znayar i wadjun
Huma a zzay-m cedheY
Deg weydud amimun
A cem eggeY d ta3edjan
X tqucet n wetmun.
Isem–nnem, a yisem–nnem!
Isem-nnem icuq
Di 3la menkur tammurt;
Char tenuYed
Am rehrar di tzegwaret!
xseY a cem d-eksseY
d tasarut n tewwart,
a cem eggeY d tasedjet
deg yiri n thenjart,
a cem zzuY, d aYemmuy
N tidet deg wur n temmurt,
A tewted izewran
I Ya imenYen di tudart.

Fadma Elouaryachi
Nador 1993


Posté par Izri

Yesremd-ayi wawar

Yesremd-ayi wawar

Yeremd ayi wawar
Ad inigh iwaren
Ad ndaregh aren,
Ad ndaregh rxezrat
Ghar min xaf-i yigwjen,
Ad fedhegh di rebhar
Uxarres yiziden,
A t-eggegh d taqessist
N yiwaren iweznen,
Yesrwmd-ayi wawar
ad inigh iwaren

Yesremd-ayi wawar
Awar zeg iwaren,
War teqqim deg wattas
N wawar i zi cetthen,
Teqqimed di tawengit
D tazdugi n wurawen
Gha yebnan izummar
Id anegh gha yesmunen.
Yesremd-ayi wawar
Ad inigh iwaren.

Yesremd-ayi wawar
Ad eggegh isurifen,
Ad uyaregh deg webrid
N tudart ihercen.
In-ayi a tudart:
Wi cem yeshercen ?
Ma shercen cem iwdan ?
Ma cen i ten ihercen ?
Yesremd ayi wawar
Ad inigh iwaren

Csigh cem a tudart
D ij useqsi yemghar,
In-ayi: min teanid ?
Ma d tidet (1) ma d irar ?
Hedd tecsid-t ghar zzat,
Hedd tarrid-t ghar deffar.
Tidet-nnem tudjegh
Am wussus n rebhar,
Marra wi xaf-s yarzun,
Ighareq day-m iweddar;
Yesremd-ayi wawar
Ad inigh iwaren

Fadma El Ouariachi: Yesremd-ay wawar. 1994

Posté par mIzran

Arzem xaf-i tawwart

Arzem xaf-i tawwart

Mayemmi i day-i tcaferd zeg uDar ?
Nec xsegh ad snegh
Min din awarni reswar ?
Yemma ejj-ayi ad fghegh
Ad ge3degh x idurar
Ad arzugh x tidet
Tenni iru7en tweddar

Ejja-ayi ad sghuyyegh s jhed
Mayemmi i dayi teqqared : Sqar ?
Nec u7regh sqaregh
Minzi kurci iweddar
Xsegh ad 3awnegh uma
Ghar wezra3 d wemjar
A nesmun rmattat
Di rwest n yiyyar
A nfare7, a necDe7
Ghar tziri d uyur
Tammurt ghar-negh attas
Maca war tteDhar
Minzi s wefrad d’usennan
I zi nettat t3emmar

Yallhet, a yayetma !
A neffghet ghar yiyyar
A nqer3et asennan
Ad as newwet x rejdar
Tammurt nnegh d tesba7
Ixes war tte- netar
A tte-nfard, a tte-n7eweD
A tt-nezzu marra d newwar

Fadma Elouariachi

Thaqssisst inu

Thaqssisst inu

Taqsist inu d timessi tesemmát
Att arigh x ibriden
War t tiwi rhémrt
Aman war t ssexsiyen
Att ssuysegh di dmani
Att carzen ifedjahén
War tt neqben ibaghriwen
Taqsist inu!
Taqsist inu d tiwecca
Teáayen ihénjaren
Ad tt záren d yur n raid
Ad farhén ad yeraren
Ad t yeraren d f uleáleá
S ucar d yeqwaren
Ad t yeraren d iqnuffar
Ad t yecc wit gha yafen
Taqsist inu!
Taqsist inu d turjit
N wussan id gha yasen
At arigh s reqrem
Q wur inu d idammen
At arcement tíhramin
D rhénni x ifassen
At ruccent d aman umarru
I yisgenfan iyizzimen.

Izran n Fadma Elouaryachi
Aghennej n Khalid Izri

Posté par Izri