Mayssa Rachida

Ridart

Fghant id triwriwin
Zeg wazzay n thawat
Cmumsent tmeghrusin
X tafriwin n rirart
Qarsent tcudvadv
X rebput n tzegwart

Ma stidett ….!?
Nigh ad yiri…
D taghenant i tuzegart
Ig dvefsen ticri ynu

Imara tesicer…
Imara tgharwer…
Imara tezughart..?

Jar wemsafad d wemsafad
Cems itt d ijj n ridart.

Mayssa Rachida EL MARRAKI

Fadma Sun, 12/15/2013 - 15:20
Paroles
Tazwact
[h2]Tazwact [/h2] Andu nni idi zewyegh tudart Izewy ayi Deg zuzzar ntizzvin Texnisegh: I mezri I rewpi I wazvri I wfaqi Thadigh timewwa n tiri inu Srufegh I rebput n reowin Ticri ynu tizwar ayi Mermi mma faqegh d zeg ussan Din ussan nnedvni Din araji Din ticri Din adurri Iri hazegh icarfa Tudart tegwa nigh war tgwi
Fadma Tue, 12/10/2013 - 22:20
Paroles
Tisfay

Tisfay

Teghri thajit n wuccanen

Ighmi d rfas n tzayart

Nec tiraregh fulaolao

Twatigh tudact deg ibriden

Zizdiyegh kuffu n tesfay

Tinni day I itemrawayen

Zuttu ynu yemmuden ak wussan nni

Iqdu zzay s uraji d uoayen

Tarezzigh remqasar

Itsessawen tudart inu

Axmi tfad tmijja n wawaren.

Mayssa Rachida EL MARRAKI

Fadma Tue, 12/10/2013 - 22:10
Paroles
Jar-ayi-d d wakidem

Jar-ayi-d d wakidem

Asitem inu d win ifzen wussan

X threqqa n ufus nnem, yeghmid d asennan

Tsughlitid titt nnem di thittawin n iseyman

Yuzegh am x wanchuchen ak wattas n iseqsan

Thifras nnem d ajenna mani thezdegh thayyuth s izuran

Yetneqrab dayem useynu, iri yedhwer daman

Nufesren dayem issegwusa n temzi inu ye3dan

Sghemyayid taydart isbeddan ituman!

Fadma Fri, 12/06/2013 - 22:59
Paroles
Tayri

Tayri - Mayssa Rachida El Marraki


sghemyayi d tlulluct
di ddemnet n wur nnec
ari yayi d taqessist


s smegh n ufus nnec
ad day s zarregh kur ass
tifras inu d tefras nnec
sezdegh ayi d tanfust
deg azzay n tenfas nnec


att ighar takfarinas
di tiri n yimar nnec
a teddar d thajit inu
i mara mmutegh nec
sqad ayi d tabrat
teccur s nec d nec
teccur s wazghat inu
d tarzift i zmann nnec.

Fadma Fri, 12/06/2013 - 22:54
Paroles
Nec mara ttugh

Nec mara ttugh - Mayssa Rachida

Nec mara ttugh
Ad yenhem wajjaj ad yaher
Ak yirar n usemid
Zuttu ynu ad yenufser

Nec mara ttugh
Ayer ad icdeh s tesfay
S wertax ad yenehwer

Nec mara ttugh
Ad yeswed wassam
I rxezrat inu ad ikehher

Nec mara ttugh
Zeama idar ayi cek
Di ticri n tsurifin ghar buhber...

Nec mara ttugh
Ad ndefsegh d adellis
X tghemmar n buhber

Nec mara ttugh
Ad yugniw marra zmann
X yires inu ad isiwer

 

Fadma Thu, 12/05/2013 - 22:16
Paroles
Car inu

Car inu

Mhizwaren wussan jar tefray,

Ibriden d ticri…

Urawen d tigwdi…

Icudvadv d tigharsvi…

Ar mani? Ar mani? Ar mani…?

Izvewran tazghen xef ifuray;

Dcar yuher yeffegh,

Tazvettva tarrezv tuzegh,

Asvurif d usvurif inu, beddegh!

Oad ad mseqsant tefray:

Amezruy inu, ma nwem?

Acar inu nigh nwem?

Mani d teghmi trelli tennezdem tezpem.

Tayra d tfuct i weghray.

 

Tura t: Mayssa Racida (Benttveyyeb, Nnadvûr)

Fadma Sat, 03/03/2012 - 21:33
Paroles

Ttes a memmi

Ttes a memmi ...


Ttes a memmi ttes
Tadjest d ticemsin
Tiweca xa ad tenqar
Deg uhsin n tfuyin

Ttes a memmi ttes
Ajjaj n ab3a otmanyin
Yewta wenzar s idamen
Curent anegh tmedrin

Ttes a memmi ttes
Baba c i3req ajemadin
X urequz imesren s ddedj
Aa sidi memmi nu tighufawin

Ttes a memmi ttes
Summet tirja timizidin
Ncarez, ighmid wecfir
Nesitim, atagh tifeswin

Ttes a memmi ttes
3ad ad arghent tfawin
Ad dwren yejdad
Anqeyyeh s triwriwin

Mayssa rachida EL MARRAKI
Paroles
Tudart
Tudart

D nec d tubuherya n tudart

Tugha qqaren xaf i tanewart

Maca necc wad hmiregh tudart

War ghar i day s bu tesghart

Tfuuu, tfuuuu x cra zi tudart

Tarra ur n utarras d tasdart

Tengha day negh rimart.

Necc 3ad trajigh ad teghmi tefrurt

Trajigh, trajigh, ayhay te3du d ijen tuzegart

Nufesren wussan inu d ijen temrirt

Ayehhat!! ayehhat!!!! alellec idwer d tazegwart


Mayssa Rachida EL MARRAKI

09-02-2010; ag 19h12
Fadma Thu, 02/11/2010 - 00:50
Paroles
Idurar
Ighennijen n usvemmidv,

Zi tmejjawin n idurar

Tefghen d wawaren d wawaren,

Tnufsuren d iraghan

Ghemyen d wurawen nnedvni

Zeg idammen nni,

Zi tirmect nni,

Zeg wcar nni,

Zeg idurar...

Ad gheryen isvuraf deg wbrid

I d iouqqen tazriwin

Mani yetnedraf ughirad s ughirin,

Iyermamen inoarqen x rwarud

D ucar n imedvran i d idewren s lbarud

Axmi oad gh ad nedwer d neccin.



Tura t: Mayssa Racida (Bentveyyeb, Nnadvûr)-tawiza.net
Fadma Sat, 04/26/2008 - 22:50
Paroles